Kameme FmKameme Fm News

Dr. Fred Matiang’i kuuga Jubilee ni irehete ugaruruku wa kuigana ruhonge-ini rwa ugitiri

Maabithaa a borithi nimehandite wega gutigirira bururi uri na ugitiri wa kuigana na makiria hindi ya githurano.

Akiaria ari kiharo-ini kia ndege kia Wilson guku Nairobi hindi ya kwamukira ndege cia kugacirithia ugitiri wa bururi, minister wa ihinda wa ugitiri Dr. Fred Matiang’i augite Jubilee ni irehete ugaruruku wa kuigana ruhonge-ini rwa ugitiri.

Matiang’i augite ndege icio ni ikuhotithia maabitha a borithi kuhiuka kuria kuri na wagagu wa kiugitiri, akiongerera ati maobitha ni mathomithitio kuigana kung’ethanira na ngahiha iria cingiyumiria.

Oho Matiang’i akauga thirikari noiguthie na mbere gutigiriira maobithaa a ugitiri nimateithiririo uria kungihotekeka niguo kugacirithia wira wao.

Mwena-ini wake inspector general wa borithi Joseph Boinet augite nimathondekete weru ndege ithatu cia kibiririrki na makongerera imwe njeru, akiuga ona nimetereire ingi.

Show More

Related Articles