EMOOMUNGARET

NAIROBI: Mung’aret eng Kenya ak Tanzania

Koitchi kasyinet emetab Kenya ak Tanzania koisto kanagutiik chemitei eng mung’aret nebo aldaet ak aletaab tuguuk cheterchin eng kwenutab emotinwechotok tuwai.

Koibarasta walutichotok Minister netinyegei ak tilianditab emotinwekaab sang eng Kenya Dr.Amina Mohamed ak nebo Tanzania Dr Augustine Mahiga kole wendi konyumnyumi kakwautionotok yaetab mung’aret eng emotinwechotok.

Kosupgei ak ng’amotik ko koimuchi koek kanaguut ng’atutionotok kotelelchin yaetab mung’aret eng emotinweek chebo Afrika nebo kong’asis.

Kotinygei ak Dr Mahiga ko tetaat koisto emoni kanagutiik chebo aletaab tuguuk kobun Tanzania cheboto unga, petroleum gas ak kora koisto emonotok kanagutiiik eng tuguuk chealei emetab Tanzania cheboto chego ak tuguuk alak kobun emetab Kenya.

Kosupgei ak tuiyet nekitestai eng arawetab 6 nekiituiyo emotinweek chebo Africa nebo kong’asis  ko kiitchi kosyinet emotinwechotok koisto konogutiik chemitei eng aldaet ak aletab tuguuk cheboto cooking gas ak nganuuk eng kiwatosiek chebo emotinwechotok.

Show More

Related Articles

Check Also

Close