EMOOURERIOSIEK

SPAIN: Kokibel timitab KPL All Stars 4:0 Timitab Cordoba eng ureryet nekobo chorwandit.

Kokitagen piret nebo konetisietab mpiretab keldo eng emetab Spain timitab KPL AllStars kobendi ngwony golisiek 4-0 nebo Cordoba eng nyumnyumindo eng kemboutab betutab kosomok kazi.

Kosir timit notok bo Cordoba golinyin netai eng dakikayatab 20 kobun Jonathan Mejja kotomo kotyem agenge All stars nemoyee logoek kobun katyorindetab AFC Leopards Victor Oburu eng terchinet nebo 1-0 koite kasarta nebo komunget.

Kowekei timitab Cordoba eng kebeberta nebo oeng ak ureriet nekim ak koker golit nebo oeng eng chokchinet kobun Sergi Gurdiola nekoboisien komie lelutietab defender Musa Mohammed nebo komoisto mpiret eng box orit

Inkandan kotokchi kiwanjet konetindet Stanley Okumbi katyorindetab Tusker Boniface Muchiri koiker poroindab Ovella Ochieng ko maimuch urerenikab emoni koter kabokchinosiekab Cordoba chekotes chipchipindab ureriet

Kotes golisiek alak oeng Cordoba kobun Roberto Quiles ak Alejandro Alfaro kobun katyaretab penalties

Urereni KPL Allstars urerienyin nebo chorwandit nebo let eng ruitoito nebo emetab Spain eng betutab Jumamos ak timitab Sevilla kotougei 10pm (EAT)

Show More

Related Articles