Kameme FmKameme Fm News

Mundurume umwe wa ndini ya Akurinu kuhiuria muingi wa ituura ria Muri Farm makiri ma mbeca

Muingi wa ituura ria Muri Farm riria ri mwena wa Makuyu gicigo-ini kia umbunge kia Maragua nimakaiire borithi guikia ngono mundurume umwe uria ni murumiriri wa ndini ya Akurinu, uria witharite na mbeca kuuma kuri aciari matiganite iria ametitie akimera niciakuhakana niguo ciana ciao cioywo wira wa borithi mwena wa Kiganjo kaunti-ini ya Nyeri.

Muingi ucio ningi no ugite ati mundurume ucio uria ukomborete nyumba ituura-ini riu aroimite ituura-ini ria Kwa-Vii mwena wa Kirinyaga, na ati hau kabere no eriga gwithara na mbeca shs 5,000 iria ahetwo ni akiristiano a ituura riu akagure mucere hindi kwari na harambee ya kanitha no agikomba mucere kuuma kuri arimi mwena ucio wa Kirinyaga na macokire kugira mbeca icio.

Mutumia umwe ni ahiuritio shs 56,000 iria amunete iri cia anake ake eeri atanyite ni mekwandikwo wira wa borithi.

Na turi o ndeto ino, mutumia kuuma kuu Muri Farm atariirie ati mundurume ucio ningi ni ombite mwari uria athiite nake kundu gutoikaine.

Kurerikana ati mundurume ucio kwao gutikurikanite niku na akoretwo agithamathama ita njira ya kuhura cenga muingi na borithi niguo kuhitha migendere yake.

Show More

Related Articles

Leave a Reply

Your email address will not be published.