Kameme FmKameme Fm News

Nicholas Biwott kugathiririo ta mutongoria mwirutiri na wina kiiyo

Mutongoria wa tene wa bururi wa Tanzania Jakaya Kikwete nioritie mutongoria wa bururi Uhuru Kenyatta na mutongoria wa ngwataniro ya NASA Raila Odinga matigirire thayu wa bururi uyu ndunahurunjuka hindi na thutha wa githurano giukite.
Akiaria igongona-ini ria mahoya ma mutigaire minister wa tene Nicholas Biwott, Kikwete augire Tanzania ni ikurugama na Kenya gutigirira githurano kiu nigiatabanio na njira ya thayu.
 
Hindi ya igongona riu riria ritabaniirio kanitha-ini wa AIC guku mucii-ini wa Nairobi mutumia wa mutigaire Hannie Biwott augire muthuri wake arari muthuri wa bata na urerutiire gutungatira muingi ari thirikari-ini ona mucii.
 
Mwena-ini wake muikariri giti wa kigina kia andu aria makoragwo na mawathe Christina Pratt Kenyatta augire mutigaire Biwott akoretwo agiteithia kigina kiu kwa miaka mirongo itatu na mugwanja eta mwambiriria wa kigina kiu.
 
Show More

Related Articles

Leave a Reply

Your email address will not be published.