Kameme FmKameme Fm News

Arimi waru na Iria kaunti-ini ya Nyandarua guteta ni thogora muru wa thoko

Arimi a iria na waru kaunti-ini ya Nyandarua no mathiite na mbere na guthinika na kuria thiina kuumana na thina wa barabara hamwe na thogora muru wa maciaro ma migunda yao. Kuringana na murimi umwe wa Waru na iria ituura-ini ria Ika Kipipiri Kaunti-ini ino ya Nyandarua Wanjiru Miring’u augite iria makoretwo makigurirwo na ciringi 35 hari lita imwe no wathie duka-ini ukagura nuthu lita ciringi 70 , kuria riu augite mangigurirwo iria lita imwe kuuma ciringi 50 no makorwo magiteithika na maciaro ma urimi wao.

Oho,Wanjiru augite ikunia rimwe ria waru ria makiria ma kilo 200 maragurirwo  na ciringi magana 600 na waruta cia enji hamwe na andu aria mekumiria barabara nene kuumana na guthuka gwa barabara nyingi murimi agatigwo na thi wa ciringi magana matano, Kurumiriria kiriro giki kia aria kiria kigumiire arimi aingi kaunti-ini ino , riu Wanjiru oritie thirikari ya kaunti iria iguthurwo mweri wa kanana, ikorwo ikirumbuiya murimi na njira nene.

Show More

Related Articles