EMOOLOGOIYWEK

UASIN GISHU: CAMPAIGNS/LEWENISIET

Kokanget betusiek chemasirei 20 asi koit keyai lewenisiet neo eng emoni, ko kakowal tetutikwaak chebo kamartaetabgei, governor nebo Uasin Gishu, Jackson Mandago neborchingei kora ngecheranoto eng tikitit nebo chamaitab Jubilee ak Zedekiah kiprop(Buzeki) neborchingei ngecheretab governor kotononchingei.

Koistoegei Mandago banwekab oret ak kotoi koyai tuiyosiek ab bik eng kokwotinwek cheter ak cheter kobunoti karisiek chengering chetinyei loudspeakers. Kongalali eng komoswek chebo Merewet, Kuinet ak Chepkoilel chemitei komostab kot nekingate ngatutiktik nebo Moiben, kosom Mandago mengikab komoswechoto komakoyan walutik chekokimong eng konekit chekoyai kampunit nebo Infotrak, chekoibor koloe mitei ine boroindo nebo aeng’ eng kebeberta nebo 42.1 eng bogol, kondoi Buzeki eng kebeberta nebo 54.2 eng bogol.

Eng kasarata, ko matakotestai Buzeki koboisie ndegeisiek chemengech ago kotoi koyai campaigns chechi kongete kot agenge agoi age koboisie boda boda. Kotokchi ine campaigns chechik komoswek netinyei chamet neo Mandago eng komoswekab korik chekingate ngatutik chebo Soy, Turbo ak Kapseret, koamdoi logoiywekab kalyet eng mwaet kole kikiete kasubikchi kosuldae imandanywai nebo kobir kura eng kasarta nekikiyaei lewenisietab chamait nebo Jubilee.

Kamwa ine kole tinyei kamangunetab kosuldae magetab birikab kura eng kasarta nekakiyai lewenisiet neo eng tarik 8/8/2017

Show More

Related Articles

Check Also

Close