Kameme FmKameme Fm News

President Uhuru kugathiriria Mutigairi Nkaisserry ta mutongoria njamba

Uria uraari Minister wa ugitiri mutigairi Joseph Nkaissery niahurukirio gwake mucii-ini ituura-ini ria Il Bisil thiini wa kaunti ya Kajiado.
Atongoria kihiiri kuuma guku bururi-ini na nja ya bururi nimegwikinyitie kuugira uhoro Nkaissery. Mutongoria wa bururi Uhuru Kenyatta niaugire nioorwo ni murata wa hakuhi, akimugweta ta mutongoria njamba ugutuura aririkanagwo.
 
Oho Uhuru nioririe muingi na ateti bururi-ini mathingatithie thayu, makiria hindi ino ya kambi-ini, ta uria General Joseph Nkaissery angirendete kuona.  
 
Naake Deputy President William Ruto niakindirire miario iyo ya president, akiuga Nkaissery nima niarendete bururi uyu.
 
Minister wa ugitiri wa Tanzania na Prime Minister wa tene Raila Odinga, na murunawe wa Tanzania Edward Lowassa, onao nimegwikinyitie makiuga Nkaissery arari mutongoria wa mwanya.
 
Show More

Related Articles