Meru FmMeru Fm Business

Irio bithuku nibio biatumite Raila airwa cibitari

Mutongeria wa kiama kia ODM na uria ukuromba giti kia urais na ngwataniro ya National Super Alliance (Nasa) Raila Odinga niarajitue nyuma ya kuria irio  kagitene karia arari Kauntini ya Kilifi kuringira ngwataniro iu ya NASA kampeni.

Nteto iriuga Raila, uria ari amwe na Munini wawe Kalonzo Musyoka, Musalia Mudavadi na Senator wa Bungoma Moses Wetang’ula ambiririe guturwa ni kau nyuma ya kuria ikuyu kagitene karia barakinyire kienine kia ndeke kia Mombasa na gukinyua cibitarine ya Mombasa naria arathithirue ithimi na kweegwa utethio.

Mwaria wa Raila Salim Lone araugire untu bubu niburaretire kimako kinene nuntu ugima bwa mwiri bwa mutongeria uria akuromba kura cia giti kia urais ithuranone binene biejite ni bwa gitumi muno.

Amwe na bubu Raila augite ugima bwawe bwa mwiri buri sasawa nyuma ya yumira riu na ari tayari kuthie na mbere kuringa kampeni ciawe nteere mwanya mwanya aja nthigurune.

 

Show More

Related Articles