Meru FmMeru Fm Business

Marwa kuuga mbithuko iria ikuthithua ni Al Shabaab nteere cia Lamu ciambatanite na mantu ja gisiasa

Thirikari riu iriuga mbithuko iria cionthe ikuthithua ni gikundi kirege ni watho kia Al Shabaab nteere cia Lamu ciambatanite na mantu ja gisiasa. Uria urungamiririte mitaratara ya nthiguru Nelson Marwa augite mbithuko iu ciathithirue na gitumi kia kwingiriria mwingi kenda batikaumbe kuringa kura ithuranone inene cia mweri jwa inana.

Akiaria na ajukia ba nteto cukurune ya thirikari naria aretite kumenyithia abisa baria bangi ba borisi iguru ria kwamurwa kwa Matiang’i ari ta minister uria urungamirirte mantu ja ukaria bwa ndene bwa nthiguru, Marwa araugire ucunkuni burionania mbithuko iu irikarika kiri antu ba mugongo umwe mwanya.

Amwe na bubu Marwa augite  ndwaa ya kuthiria athuganirua bau ba Al Shabaab muthituni munene jwa Boni naria beithite niitithitue na mbere kia inya ni thirikari.

Show More

Related Articles