Kameme FmKameme Fm News

IEBC kugomana na ahuraniri giturwa kia upresident

Kamiti ya ithurano na mihaka IEBC niigomanire na ahuraniri a giturwa kia upresident itemi-ini ria gwetha kihonia kiigie tender ya ucabithia wa maratathi ma upresident, maria igoti riarugamirie kiumia githiru. President Uhuru Kenyatta na mung’ethaniri wake Raila Odinga matinekinyia giikaro-ini kiu.
Uhuru ekurugamiriirwo ni Majority leader Aden Duale, Senator Kithure Kindiki, Kipchumba Murkomen na mwandiki wa Jubilee Raphael Tuju; riri nake Raila atumire Senator James Orengo, Johnstone Muthama, na Junet Mohammed. Gukanjwo gwa tender iyo nigututhurire ndereti hiu kigomano-ini kiu na umwe wao Dr. Ekuru Aukot aumururuka nanja.
 
Majority Leader Aden Duale augire o marenda maratathi ma upresident magakorwo mathondeketwo, gugikinyiria kiroko gia tareki 8 mweri wa kanana gutekumakania ni kambuni iriku ikuheo wira wa kumacaba.
 
Muikariri giti wa IEBC Wafula Chebukati niaugire kamiti iyo niigucemania na anyiti itemi angi na mahe bururi mwerekera, ona gutuika nimacoketie ciira riiko.
 
Abduba Dida wa kiama kia Alliance for Real Change niathekirie kigomano thutha waake kuuga Jubilee na NASA maheywo mbeca nuthu nuthu niguo macabithie maratathi, niguo kunina ndugamano.
 
Show More

Related Articles