Kameme FmKameme Fm News

Mutongoria wa bururi Uhuru Kenyatta kwamura Dr Fred Matiang’i ta minista uria ukurugamirira ugitiri wa thi-ini

Mutongoria wa bururi Uhuru Kenyatta niamura minister wa githomo Dagitari Fred Matiang’i gutuika minister wa ihinda wa ugitiri wa thi-ini kurumirira gikuu kia minister Joseph Nkaissery.

President augite atacukitie ikinya riu itemi-ini ria gutigirira mihang’o ya kugacirithia ugitiri wa muingi ndinahotoma niundu wa gikuu kiu. Oho nioritie akenya magie na wetereri riri uthuthuria wiigii kiria gicungiriirie gikuu kiu urathii nambere.

Ihinda-ini oro riu mutongoria wa bururi niaugire bururi niworwo ni njamba ya bata riri nake orwo ni murata wake wa hakuhi.

Hau kabere mutongoria wa aria aingi bunge-ini Aden Duale niekugite thirikari ni ikwambika mitaratara igwete ya gutigirira githurano turorete giatabanio na njira ya thayu amu ucio niguo urari wendi wa Nkaissery.

Ihinda-ini oro riu nake muhuraniri wa giturwa kia ungavana kaunti-ini ya Kajiado na kiama kia Jubilee na uria hau kabere wari minister wa ugitiri Joseph Ole Lenku augite ruriri rwa ukabi nirworwo ni njamba ya bata.

Show More

Related Articles