Kameme FmKameme Fm News

Minister wa ugitiri wa thi-ini Joseph Nkaissery gukua

Minister wa ugitiri wa thi-ini Joseph Nkaissery niakuire akiamukira urigitani thibitari-ini ya Karen guku mucii-ini wa Nairobi.

Ndumiriri iria itumitwo nyumba-ini cia mohoro ni mutongoria wa aruti wira a thirikari Joseph Kinyua irauga Nkaissery akuire mathaa manini tu thutha wake kuguthukio thibitari-ini ino thutha wa guthinio mwiri. Mwiri wa mutigairi niwatwarwo mortuary-ini ya Lee.

Nkaissery aciarirwo mweri-ini wa November mwaka-ini wa ngiri imwe Magana kenda ma mirongo ina na kenda. Nkaissery aiyukirie giturwa kiu tariki igiri mweri wa December mwaka-ini wa ngiri igiri na ikumi na inya thutha wa kwamurwo ni mutongoria wa bururi. Nkaissery anatungata ta mubunge wa Kajiado na oho anatungata na munini wa minister wa ugitiri.

Mbere ya kuingira uteti-ini Nkaissery atungataga ruhonge-ini rwa mbiraru kuria ambatiritio ngathi nginyagia gikiro kia Major General. Ona thengia wa gukorwo mwaka-ini wa ngiri igiri na ikumi na ithatu athurirwo ta mubunge wa Kajiado Central rungu rwa kiama kia ODM arakoretwo ari muhari-ini wa mbere wa kuuga andu a ruriri rwa ukabi maranyita mbaru mutongoria wa bururi. Oho niarakoretwo akihinyiriria akenya mahimbirie thayu na urumwe na makiria mahinda-ini maya ma kambe-ini.

Oho Nkaissery thiku nini hituku niaragiire kiene miario ya atongoria a NASA aria maraugaga aminister nimarahurira marebe thirikari ya Jubilee. Nkaissery araugaga aminister matirauna watho magitaririria akenya maundu maria thirikari ireka.

Kurumirira gikuu kiu kia Nkaissery mutongoria wa aruti wira a thirikari Joseph Kinyua niathingatite akenya magie na wetereri riri madagitari metereirwo gutariria niki gicungiriirie gikuu kiu.

Mutongoria wa aria aingi bunge-ini Aden Duale thutha niaugite wa mathiko ma mutigairi thirikari ni ikwambika mitaratara igwete ya gutigirira githurano turorete ni giatabanio na njira ya thayu amu ucio niguo urari wendi wa Nkaissery.

Ihinda-ini oro riu nake muhuraniri wa giturwa kia ungavana kaunti-ini ya Kajiado na kiama kia Jubilee na uria hau kabere wari minister wa ugitiri Joseph Ole Lenku augite ruriri rwa ukabi nirworwo ni njamba ya bata.

Mwena-ini wake mubunge wa Rongo Dalmas Otieno na murunawe wa Kajiado Central Elijah Memusi maugite Nkaissery egutuura aririkanitwo niundu wa uria akoretwo agitungatira muingi wa bururi na njira igwete.

Show More

Related Articles