Kameme FmKameme Fm News

Mathiko ma muthuri wa miaka 90 gutirio na ithenya-ini riu kurathikwo irigu

Unduire wa mugikuyu nduri hindi ukahuka. Itura-ini ria Magomano, gicigo bunge kia Juja  wodi-ini ya  Theta igongona ria mathiko ma muthuri wa miaka 90 nirirathararire  thutha wa mutumia wake wa keri uria maraikaraga nake gukora irua ria kugiria kumuruta mortuary ya Kenyatta onathengia ya andu a itura ria Magomano gukorwo ni marahaririirie kaburi ota mutugo.

Haragiire na kigagayo kinene no indi athuri a agikuyu karing’a  ni maratabanirie magongona maugikuyu matongoretio ni Migwi Kariuki.Ikinya ria mbere rirari gwethana na irigu ria ugikuyu nirio riuikaine ta ‘mutahato’ akiuga kaburi karikite kwenjwo no nginya kahandwo kana gathikwo muramba.Njoki uria wina ciana igiri ni mutumia wa mutigairi na maraikaranitie kwa ihinda ria miaka 18.Ngucanio ino ni  gatati ka mwana umwe wa mutumia wa mutigairi wa mbere gukirikana marenda ithe wao athikwo mwena wa Gatundu nake muruwe uria mukuru na nyina munini makiuga ithe aratigite mugambo akua akahurukio ituura riri ria magomano.

Athuri aya maratongoririe igongona ota uria igongona ria mathiko ritabanagio otiga ati irigu nirio riraigirwo metha iguru handu ha mwiri indi irigu riri ritingirahutirio ni muthuri utarutite mburi cia kiama.

Show More

Related Articles