Kameme FmKameme Fm News

President Uhuru Kenyatta kuuga thirikari ikugacirithia tabarira cia uthii wa nambere gutari guthutukania na mithingi ya kiuteti

Mutongoria wa bururi Uhuru Kenyatta niaugite thirikari yake iguthie nambere kugacirithia tabarira cia uthii wa nambere, gutari guthutukania na mithingi ya kiuteti. Akiaria thutha wa kurugama ceceni-ini ya mugithi wa SGR ya Athi River, President augite thirikari ndigucoka na thutha hari kunyitithania muingi wa bururi. President arakurire na mugithi ucio mwena wa Mombasa na kurikiria mwena wa Syokimau, thutha wa guka akiaragiria muingi ceceni-ini ngurani cia mugithi ucio.
 
Ningi President niaraniriire thirikari ni igwaka gicukiro kia mirigo mwena ucio wa Athi river, undu uria augite ni mawira makiria maria mekumana na mugithi uyu wa reri ya SGR.
 
Na akinya ceceni-ini ya muthia ya Syokimau niaracokeirie ngatho thirikari ya China na aaki a reri iyo niundu wa kuruta wira na njira igwete. Ningi niaratariirie mamwe ma moguni mangi kihiiri maria mekwonekana kumana na thabari cia reri iyo ya SGR.
 
Nake munini wake William Ruto akiaria Syokimau niaratugiririe wirutiri wa President Kenyatta hari gukinyaniria kiraniro kiu kia Jubilee.
 
Kungi nakuo mutongoria wa Nasa Raila Odinga niaugite matiraregana na gwakwo kwa reri ya SGR, no indi aramenereria kugirio kwa ngavana Hassan Joho gwikinyia mambura-ini ma gukurithia mugithi ucio Mombasa.
 
Show More

Related Articles