Kameme FmKameme Fm News

Mwiri wa mundurume umwe kuhithukio utetwo itura-ini ria Mbaruku, Giligili

Aikari a itura ria Mbaruku mwena Giligili kaunti-ini ya Nakuru, nimakaire thirikari imagacirithirie ugitiri kurumirira kuhithukio kwa mwiri wa mundurume umwe mwena ucio. Mwiri ucio urahithukirio uri njaga na wina nguraro cia tuhiu moko-ini na ngingo handu harari na mwaraho munene wa thakame. Riu aikari a mwena ucio wa Mbaruku marauga maikaraga na hahu nene makiria kwagia nduma, makiuga andu matanyihiirie atano aingi ao mari atwarithia a nduthi nimoragiirwo mwena ucio kuma kiambiriria kia mwaka uyu.
 
Kungi nakuo miiri iiri ni irahithukirio maaini kaunti-ini ya Nyeri. Munini wa kamishina mwena wa Othaya Stanley Kamande augite mwiri wa mundurume urahithukirio ndemu-ini ya Chinga riri mwiri ungi naguo wa mutumia urahithukirio ruui-ini rwa Gikira na utuiria makiria niwambiririe.
 
Show More

Related Articles