Meru FmMeru Fm Business

Mbogoli kuuga agaambithania baria bagashughurikira magamba makonii ithurano bakamba kuthomithwa

Rwaang’i rwa korti rukaithirwa ruri na agaambithania 2 kiri gwaa ira county bara bairigiriitwe gushughurikira magaamba makonii ithuurano binene bia mweeri gwa 8.

Mukariri giti gwa kamiti yia korti ikonii ithuurano Msagha Mbogoli augiite agaambithania babu bakaneenkerwa mathoomo ma gushughurikira magaamba makonii ithuurano bibu.

Mbogholi augiite mathoomo mamu makarigiiria matheta ta mara maumiire nyuuma yia ithuurano binene bia mwaanka gwa 2013.

Nkuruki Mbogholi augiite korti ikaathi naambere kwirungamiira, akiugaga bakaathi naambere kugwaatanira na kamiti yia kurungamiira ithuurano na mianaka teo IEBC, ubisi bwa mutoongoria gwa nthitaango cia muingi amwe na biama bia giisiasa.

Show More

Related Articles