Kameme FeaturesKameme FmKameme Fm News

Wiyandikithia wa kura kugumirwo ni unyihu wa andu kundu gutiganite

Mihang’o ya wandikithia wa kura icigo-ini itiganite ni iragumiirwo ni unyihu wa andu aria mareyumiriritie kwiyandikithia guothe bururi-ini. Kuringana na atongoria a kiama kia Jubilee kaunty-ini ya Nairobi aria maraceerire ceceni-ini itiganite cia wandikithia wa kura, ceceni imwe citirakinyitie andu 5 aria mareyandikithagia ta aikia a kura. Muikariri giti wa Jubilee guku Nairobi Sunctus Ndegwa niaugite mekuhungura matuura mothe guthing’iriria andu na makiria aria mararikirie thukuru meyandikithie. No onakuhana ouguo mutongoria wa mungethaniro Raila Odinga niarathiururukire matuura matiganite ma guku Nairobi akihitithia arumirri ake na kumathingiriria meyandikithie kwa wuingi. Mwenaina-ini wao kalonzo Musyoka na moses Wetangula marathiururuka ceceni-ini cia Karen kurora kana mihang’o iyo ni irathia wega. Nakuo kaunty-ini ya Kiambu abunge matanyihiire 7 nimaranyitaniire kuhinyiriria muingi wiyumirie kwa wuingi kwiyandikithia ta aikia a kura. Makiaria nja ya wabici cia Cordinator wa Kiambu, abunge Eng. Kiragu Chege, Njoroge Baiya, Ferdinand Waititu, Alice Ng’ang’a, Moses Kuria, Kigo Njenga, Mburu Kahangara na Paul Koinange nimarooririe machifu mathii nyumba kwa nyumba makiheanaga ibandi iria citari cioywo ni eene; na mandikithio ta aikia kura hau hau. 
Show More

Related Articles