Mayian FeaturesMayian Fm

Parraan naibung’a Mayian FM ‘Ewang’an Olosho’ toomurua e Kisiriri o tenebo Olendeem

MayianFm  ashu “Ewangan Olosho” nabo enkitesheni e redio narikito tolosho lolmaasai o tenebo si murua kumok ele osho.

Ore intarikini 18-11-2016 neshomo ilasirak lolomon le Mayian Fm erikoo Diana Daido, Julius ole Kuyioni, Sam Ole Keiwua,Mr Call[Kumoksiaren] o tenebo o James Lekishon [Jina Kubwa] arikoo kesha tenkanisa e AIC Kisiriri natii kaunti e Narok.

Eiterua naa safari isaai endama te Nairobi epuoi emurua e Kisiriri,esafari nawa erishata oosai 4 olpisiai.

Etabaitie naa oltim le Mayian Fm emurua e Kisiriri etumore iltunganak kumok otupukutuo ang’amaa ninche tenchipai wenyorota.

Ore tosaai enteipa nelo oltim le Mayian Fm erikoo Sam Ole Keiwua aibung entumo sapuk ‘Crusade’ tolduka le Kisiriri.

Ore saa 8pm enteipa nelo  Kesha sapuk aiteru tenkomono sapuk  natorikoyie Ole Kuyioni o tenebo oltim pooki le Mayian Fm.

Eitekini naa etijing’a iltunganak  oluus 700 ina Kesha natii kanisa e AIC Kisiriri ,kanisa natii mitai 300 tolduka le Kisiriri eibung’are sukuul e sekondari e Kisiriri.

Eshomo enkumoi olshabik le Mayian Fm atum erishata e makewon airorie ilasirak lolomon lenkitesheni e Mayian Fm o tenebo etuum erishata sidai ororei le Enkai eyau olosirani le “Enkorropil” Julius Ole Kuyioni.

Ore naa intarikini 19-11-2016,aa enkolong e jumamosi  ewikii natulusoyie  neiterua esafari oltim le Mayian Fm tolduka le Narok,isaai entadekenya epuo emurua Olendeem teina kaunti ake e Narok emasho enkishorunoto enashe e Archbishop lenkanisa e ACK Jackson Ole Sapit emasho natutumo ilainining’ok le Mayian Fm aning enagiraa aikunari ina masho pooki eimu redio.

Enotito si shabik le Mayian Fm erishata natumore ilasirak le  Mayian Fm eikilikuanishore ,nekweni eshipakino tenebo.

Ore enkumoi o lelo oirorie enkitesheni e Mayian Fm nejo nchere kenyor oshi ainining’o ena kitesheni tenkaraki eitengen iltung’anak lenkaji e maa,elimu ilomon metii enkuretisho,neitiship si ninche tosionkolitin ooiguran ninche.

Ore shabik obo yioloti anaa Prof Jonathan Nadosoito ,nejo nchere einining pooki kata Mayian Fm tenkaraki eitukuj ninye tesiai enye.

Pooki ng’ai oirorie ena kitesheni netishipakine ‘Ewangan Olosho’ aa eitiship ninye pooki rishata.

 

 

Show More

Related Articles