Meru FmMeru Fm Features

Njira 5 cia ucoore bwa gukeneera

Oo muntu wonthe nerigagiira kwigwatira uria ukang’aniira nkorone yawe na gutuura bakenaniriite muturirene.Indi kiri baingi betu, mocoore [Relationships] jaria jethiritwe jari ja kugwiiria jejaga jakagarukira iguru.Ukarigara nimbi igarukaga, na kugarura mantu jonthe.

Iji nicio njira 5 cia gutetheria ucoore bwaku bwaa bwa gukeneera magita jonthe;

 

black-couple-on-date-556x330

1. Bugatiga kugambania

No urikane ntuku cia mbere iria bwambiritie ucoore bwenu?

 

Mantu jaria bwathithagia jagatuma bukagwirua na bukaigua bwiina inya ya gwiita na mbere? Kenda bubu bujuura no mwanka bucwee kaanya ka gukara amwe na kuriukia tumatu turia twatumaga bugwirua riria bwendanire ria mbere, kana mathithio jangi jameeru jaria jakabugwiria.

 

Young couple relaxing in bed

2. Aranirieni bubairi

Kwaraniria nigukweega na ti kwaraniria bukiurania nimbi ikarugwa. Kenda kumatia wendo bwenu, nibwega ugatenda oo ntuku noo ndarika 15 thimu na tv cienu cioretue bukaraniria na buthikanirite.Rikana kuuga gauntu gakathongi kiri mwendwa waku. No withirwe unogi,kana kinya utindite untintikene ngugine indi rikana, mwendwa waku nwee wa kweegwa kaanya ka mbere.

 

couple_hugging_159472535.jpg_detail

3. Onania wendo

Muntu wonthe nendete kweendwa ni munyanya wawe kenda ucoore bumata. Tigiira ukwonia mwendwa waku wendo na wamwonia nwendete kumumenyeera , ukaethia naiji. Antu baigagua beendi na njira mwanyamwanya , bamwe bendaga ubathikiira, bangi bendaga withirwa na kaanya nabo na njira ingi na ingi. Kwina kinya bangi bendete kweegwa biewa kenda baigwa nibendi. Nwiji ‘mugambo jwa wendo’ jwa mwendwa waku?

couple-talking

4. Menya Kuthiria ndwaa cienu

Kwithirwa na ndwaa kiri mocoore ni untu bwa kawithire , na kinya gutetheria bukura na kumenyana bwega. Thiina yambagiiria riria utikumenya uria bukathiria ndwaa iu.

-Bwa mbere riria ukaigua wang’entua ni munyanya waku, ciee kaanya mbere ya waria.

-Ejaneni kaanya ka muntu kwaria riawe na ungi riawe, na buthikaniire gutikumatukira gucokaniria.

-Aririeni mantu ja thaa iji, ti ja tene……

 

Bikini girl portrait

5. Rikana gucienda gwe mwene

Waciitikiria na waciaa gitiho, ukethirwa uri kaanyene gakeega ka gwitikiria na gutiha bangi. Gukurukiira kumenya uri uu, kwimenyeera na guciingiria mobatu jaku, ukagita oo uu kiri mwendwa waku

Ii, jonthe jambagiria nagwe!!

 

Show More

Related Articles

Leave a Reply

Your email address will not be published.