Meru FmMeru Fm FeaturesMunyinko Utithiika

Urugi bwa mutuu jwa muchere jumutune [red rice flour] na Faith Makena Matiri

Irio bibi na mirugire iji ithagirwa iri mwanya kuringana na mwanya jwa antu, mikarire yao na withire bwao bwa gintwire
Narua gatunuukie miuro na na gwitia ibari tukinyukie mwanka rikone ria aturi betu ba nthi ya southern sudan twone uria barugaga irio biao biria batumagira mutuu jwa muchere jumutune kana RED RICE FLOUR

Mutuu juju naju juthiaagwa kuuma kiri muchere jumutune taju red rice na gutumirwa antune aa mutuu jwa nkano
Kinya kethira atalaam ba mirire kuma nteere iji ibakuga ijubataraga kunganua na into mwanyamwanya kenda jugwatana na kugita mucemo nkuruki

MUTARATARA
-Ikira mutuu juju jwa muchere mbakurine na wikire ruuji uthimirite kuringana na mutuu
-uungania jugwatanire na kumata

-Kunikira na tauru {towel} intheru iria tutumagira rikone rietu na ureke munganio jwaku jwa mutuu juju jwa muchere jumutune jurare utuku bunthe kenda bugagata
-Runene ungania mutuu jumukai jwa muchere juria jutigarite na munganio juju jurere mbakurine ugitumagira njara ciaku {rikana nomwanka njara ciaku ciithire itheri na uthambitie na cabuni}, mwanka munganio jukare taa jukurekania na kuthuthurukanga [crumbs].
-Rikana ndengi karai gaku kari riko na wikirite maguta ja kuruga

-Jaya wikire tuthuthuru tutu Ugitaaga na gikombe uruge mwanka tugaruke rangi

-Wite na mbere kuruga ugicokagira mwanka munganio jwaku jwa mutuu jurere jwa muchere jumutune jugagati na juria jutigagati juthire

Wathiria ikira dishine na gatere no urugire gitwero kia nyani, nyama na iguru uturirie yoghurt tauria antu ba ntere cia southern sudan bagitaa..twarikia gucitana murugire juju nougerie rikone riaku ntontu murugi umwe ni kugeria mirugire

Show More

Related Articles

Leave a Reply

Your email address will not be published.