Mayian FeaturesMayian Fm

Keeya enkare te Kaunti e Narok

Amaa ejing’itae olari le 2016,kainyoo edamunyie iltung’anak le Narok olari 2015?
Ore Narok netaa iyioloti te seuseu pooki tenkaraki olairag lenkare eiteru apa olari 1993 ewa apa enkare iltung’anak olus 40 teilo duka lenkare Narok
Ilarin 22 are enaa pee eiteru enkare aipotoo enkishui oltung’anak le kaunti e Narok nemelio eroruata nawaki tialo ilo omoni tiatua ina rishata pooki
Kaa roruata ewaita ilarikok leina kaunti enaa pee eiteru enakare aipotoo neisimaa iltung’anak leina kaunti e Narok?
Enoto kaunti e Narok enkiporoi natanya eishiu netaa osomit muto okenyua tenkaraki olkiyioi oloito dukuya egira iltung’anak leina kaunti aiminie enkishui enye eimu olairag lenkare
Ore enaa peeiteru ele ari le 2015 neiminie iltung’anak olus 25 enkishui enye te kaunti e Narok neisulaki tiatua olduka le Narok
Ore apa 28/4/2015 enkolong’ e Jumanne netasha enchan sapuk te kaunti e Narok neer enkare iltung’anak 15 leton ake edamu iltung’anak leina kaunti ometabaiki ena rishata
Ore naa etiu neiji netaparana teina rishata CS eina rishata Ann Wainguru tenebo oloti lorais William Ruto ilo kerenket le Narok ebalieki impisai nabaya 200,000,000M neton eikilikwanu iltung’anak leina kaunti ajo kaji eitaasaki
Ore ake etiu neijia neibalie olgavanai leina kaunti e Narok tenebo wenkiti enye Everlyn Aruasa nchere eteretene serkali eina kaunti pee eibooyo enkare meitoki anap imaasaa teilo duka embae neton eitu eitabaya
Embae nataa enyamali tialo ilaasak le biashara teina kaunti eikilikwana maate nchere kanu kenyaa eishiu enkiporoi nanotito lelo tung’anak leina kaunti.
Eibalie iltung’anak kumok nchere iltung’anak lee murua otii shumata olduka le Narok oorita ntimi enye embae nalimuni ajo etung’uaitie meeta toki naibooyo enkare
Einyala sii enkare teina rishata imasaa nemeeta esiana teilo duka le nkare Narok embae sii naisho enkumoi oltung’anak metadamu ele ari toodamunot enye
Ore naa etii ina netanapa ina are ingrain naara 10 teina rishata mbaa sii naapon dukuya eitadamu iltung’anak leina kaunti olari le 2015
Etaa naa ele ari olenyamali sapuk tialo iltung’anak leina kaunti e Narok
Eitanyamala naa enchan arashu olairag’ lenkare iltung’anak lolduka le Narok tiatua ilarin 22 oshomo enkop meeta eroruata nawaki negirae aisiligie eretoto
Eji taa apa kiporito Tigiyio nimiyiolo enkalo,kaa roruata ewaki tialo ereten olari le 2016?ore enaa enetiu ilo duka le Narok tena rishata neton ake ejing’i olari ng’ejuk meeta ereten nayae
Keigil olkiyioi asujaki iltung’anak le Narok 2016 enaa keishiaa nerikino emion oltung’anak oiminie enkishui enye?
Etaa enkare te kaunti e Narok enyamali terishata naadoo.
Ore ake eton eitu eishu enker inkulak neigil ake iltung’anak le Narok emion tenkaraki enchan Natasha te Narok South 20/11/2015 naiminie iltung’anak olus 10 enkishui enye teina kaunti
Keishia nepuonu ilarikok teneboo neing’oruni enkoitoi naiboorieki olairag’ lenkara onang’unye temurua olopito teneboo olmashariani
Eishia naa nepuonu ilarikok leina kaunti teneboo peetumoki ataretunoto

Show More

Related Articles

Leave a Reply

Your email address will not be published.