Mayian FmMayian Fm News

Narok:Eibalie kotini e Nairobi ajo peibungi ilopisaani 3 otangoro nepik iltung’anak ilbaa te maandamano

Eitayio kotini enaang e Nairobi amuri peibungi isikarini okuni le county e Narok ogirae aisitaaya tenkaraki enarare oltung’ani obo metua netetema sii enarare tenebo olorere ootipika irbaa enkolong apa natiiki maandamano tenkare Narok.
Eibalakinyie naa enkalo naisitaaki a prosecutor kotini enaang e Nairobi nchere peeya eroruata tenkaraki nataa yietuti ilpolisi tenkibungata lelo pokira 3 embae natjingaka kotini peibungi.
Eitayio naa oljaji kitok a Senior principle magistrate Martha Mutuku amuri peibungi lelo pokira okuni eitu ebaiki enkolong e jumatatu naishaa nebolokini mashtaka.
Ore naa lelo 3 naa tenebo Julius Ole Dikirr ogirae aisitaaya tenkaraki enarare olemeishu Sikona Ole Muntet (murder),Moses Ole Kuyioni elimuni ajo etetema enarare (attempt murder) nepik ilbaa Amos Lesaloi okulie tung’ana 2 tenebo Samwel Kishoyian olimuni ajo etipika iltung’anak ilbaa otii Allan Ole Meingati enaa enalimu prosecutor tedukuya kotini e Nairobi a Daniel Karuri.
Eibungaki naa teina rishata osenetai le county e Narok Stephen Ole Ntutu tenebo kulie bungei 4 neikenori enkewarie nalulunga tenkitesheni olpolisi e Muthaiga neitabari kotini nelaari.

Show More

Related Articles